fbpx
Додај во омилени училници

Училница за креативно пишување

Цена
За пријавување на оваа училница потребно е да сте регистрирани Клик тука!
Ученици: 9
Времетрање: 2 месеци
Предавања: 16
Секое предавање: 60 минути
Денови: понеделник - среда
Час од: 19:00 - 20:00
креативно пишување

креативно пишување

Си била еднаш, една мала Училница на брдовитиот Балкан, каде деца учеа како да напишат приказна… Низ примери од светската книжевност ќе ги откриеме основните елементи на секоја сказна. „Кој, што, каде, кога, како?“. Преку светската митологија и фолкор ќе се запознаеме со улогата на книжевноста во разбирање на светот кој нè опкружува. Ќе патуваме низ времето и просторот со приказни од сите краеви за да стигнеме до современата книжевност.

На училницата за креативно пишување и книжевно толкување ќе научиме како да го протолкуваме напишаното. Ќе читаме и пишуваме проза и поезија со фокус на модерни македонски автори. Ќе се запознаеме со почетоците на книжевноста, магичната моќ на приказните и растегливоста на јазикот. Која е разликата помеѓу поезија, драма и епика?

Од приказна до реалност.

Училницата за креативно пишување и книжевно толкување е прилагодена за деца во две возрасни групи од 10 до 12 години и од 13 до 15 години. Училницата трае 2 месеци (со можност за онлајн и офлајн настава). Се работи со ограничена бројка на ученици и се изучуваат техниките на пишување и објавување текстови со помош на различни дигитални алатки. Краен резултат е онлајн објавување на детските авторски дела.

  • 16 часа предавања со ментори, во живо
  • online & offline настава
  • Толкување на книжевни дела
  • Пишување приказна, следејќи примери на светски и македонски писател(к)и
  • Пристап до онлајн платформа и медиум, подготвување на дигитален текст
  • Вежби по креативно пишување за поттикнување на досетливо изразување, иновативност и логичко изразување
  • Дигитализација и современа употреба на јазикот во културата
  • 10 ученици во група
  • Сертификат по успешно комплетирање на училницата

За повеќе информации и пријава контактирајте нè на 075 28 6666

Вовед

1
Зошто книжевност?
60 мин.

Како различните култури мислеле дека настанал светот? А приказните? 

На ова предавање ќе се запознаеме со почетоците на книжевноста, магичната моќ на приказните и растегливоста на јазикот. Која е разликата помеѓу поезија, драма и епика?

Од приказна до реалност.

2
Од Прометеј до Итар Пејо
60 мин.

Низ примери од светската митологија и фолкор ќе се запознаеме со улогата на книжевноста во разбирање на светот кој не опкружува. 

Ќе патуваме низ времето и просторот со приказни од сите краеви на светот за да стигнеме до современата книжевност.

Елементи на приказна

1
Си било еднаш…
60 мин.

Во една мала Училница на брдовитиот Балкан, едни деца учеа како да напишат приказна...

Преку пример од светската книжевност ќе ги откриеме основните елементи на секоја приказна.

„Кој, што, каде, кога, како?“ - тоа ќе го дознаеме во оваа Училница

2
Сте играле ли некогаш „Погоди кој е“?
60 мин.

Како да создадеш книжевен лик со кој не би бил другар?

Целта на оваа вежба е развивање на креативноста и тестирање на границите на имагинацијата.

Во оваа Училница ќе учиме како се создава книжевен лик преку смешното и фантастичното во секојдневието

3
Од А до Ш
60 мин.

„Учи, учи глава бучи. Мала дремка. Успивање. Нема интернет. Раат.“

Вежби по креативно пишување кои ќе не научат како се започнува со пишување на една приказна и како се завршува приказна.

4
„Се скаравме вчера со Бојан…“
60 мин.

Seen

Вежби за пишување на краток текст со драматичен пресврт. Како лесно и едноставно да ја направите вашата приказна непредвидлива и да го задржите вниманието на читателот.

Анализи

1
Сезнаечкиот раскажувач те гледа и тебе
60 мин.

Дали автор е кратенка од авторитет? Дали сезнаечкиот наратор навистина знае се?

Преку примери од светската и домашната литература ќе научиме како да препознаеме кој ни раскажува и зошто е тоа важно при толкување.

Во оваа Училница ќе научиме како да ги анализираме книжевните текстови.

2
Низ Забранетата шума со Хари Потер/ Мапа низ Негобило/ Земјата на Чудата
60 мин.

Дали фантастиката е реална? На овој час ќе дискутираме примери во кои најневеројатните приказни ќе ги препознаеме во реалноста.

3
Анализа на книга по избор
60 мин.

Во оваа Училница ќе научиме како да пишуваме книжевна анализа.

4
Овде не сме на час, така?
60 мин.

Читање и разговор за вашите книжевни анализи.


5
Твоја електронска блогосфера / авторски текст
60 мин.

Во оваа Училница ќе се запознаеме со дигиталните алатки кои ќе ни помогнат при пишување и објавување текстови онлајн.

6
Од уво на уво „Шеп шеп шеп клик“
60 мин.

Книжевност и мемиња, игри со зборови, експерименти за визуелна асоцијативност - поврзување на текст со слика и видео. 

Книжевноста has left the chat.

Поезија

1
Кој се плаши од поезија?
60 мин.

„Како така? Зошто така? Се да знае светов сакал.“ - Читање поезија, со фокус на модерни македонски автори

2
Пишување поезија
60 мин.

„Збор за отпор

Пишувањето е моделирање!

Капетане, капетане, буквава сака стих да стане!

Растегни го како мастика,

шепни ми шекспировски сонет,

да станам и јас одличен 5 поет.

Експеримент, игра и ментална гимнастика,

училница - главобучилница!

Тоа не е се - запамети го и ова

со мисли збрани, собрани од разни страни

во вселенски лет

го замислија ова сето, едни деца од друг свет.“

Интерактивни вежби за пишување поезија преку игри со заеднички придонес.


3
Пишување на завршните дела
60 мин.

Во оваа Училница заедно ќе го примениме наученото преку книжевни вежби и експерименти, пишување на авторски текстови.

4
Пишување и читање на завршните дела II
60 мин.

Во оваа Училница заедно ќе го примениме наученото преку книжевни вежби и експерименти, пишување на авторски текстови со кои веќе стигнавме до среќниот крај.

*Ѕрн, Ѕрн*

Марија Бошковска е дипломирана компаратистка на катедрата за Општа и Компаративна книжевност. При нејзината работа како наставничка има стекнато искуство со онлајн предавања, преку кои е запознаена со предизвиците на дигиталното образование. Преку работата во издаваштвото и водењето на платформата за култура „Пиреј“, таа е запознаена со новите книжевни текови, состојбата на книжевноста и културата на ова поднебје. Има пишувано книжевни и филмски критики, интервјуа, феминистичка анализа на популарната култура, бајки, академски и фикционални текстови, секогаш социјално ангажирани.
Ивана Смилевска е дипломирана компаратистка од катедрата за Општа и компаративна книжевност. Таа пишува проза и поезија и е заинтересирана за жанровските вкрстувања. Вљубеник во сатира, фикција и мемиња, таа смета дека пристапот кон книжевноста треба да ја има предвид дигитализацијата и новите зборовни форми, а веќе долго време го анализира политичкото во културата и ангажираната уметност. Пишувајќи новинарски текстови од областа на образованието, менталното здравје и популарната култура, таа е одблиску запознаена со состојбата и потребите на младите, но особено со нивниот потенцијал.

Со кликање на копчето „Ок, важи“ или со продолжување на користење на веб-страната, се согласувате да зачуваме колачиња за да го подобриме Вашето корисничко искуство преку анализа на употребата на веб-страната, подобрување на навигацијата и прикажување на релевантна содржина. Вашите податоци се безбедни! За повеќе информации проверете на Политика за приватност & Политика за „колачиња