Ова е училница со наставен план наменет за деца од 10 до 14 годишна возраст. Визуелниот јазик е универзален, а графичкиот дизајн негова наука. Од првите пештерски слики па се до Instagram филтрите денес – опкружени сме со слики и текстови во различни форми, големини и бои, печатени и дигитални. Сите тие ни служат за разни видови на комуникација.
За време на оваа 12 неделна училница, ќе се стекнете со вештини потребни за креирање на комплетен дизајнерски производ, преку изучување на техники на цртање, основи на Photoshop и Illustrator, изработка на лого, техники на печатење, како и креација на дизајни за социјални медиуми.
Овој сет составен од клучни едукативни единици преку кои учениците ќе научат графички дизајн, ќе послужи како значајна основа за понатамошно развивање во оваа креативна област. Училницата се комплетира со финален проект кој е резултат на стекнатите вештини од сите опфатени области.