fbpx
Додај во омилени училници

Училница за филозофија со деца

Цена
За пријавување на оваа училница потребно е да сте регистрирани Клик тука!
Часови: 50 минути
Времетрање: 1 месец
Предавања: 8
Почеток: 7 јуни, 2021
Денови: понеделник - среда
Час од: 18:00 - 19:00

филозофија со деца

Колку пати сме се нашле во ситуација во која нашите деца ни поставуваат прашања на кои не можеме да дадеме едноставен одговор, бидејќи и самите сме зачудени пред нивната тежина, длабочина и проникливост? Така од детските мисли, како гром од ведро небо, знаат да одекнат прашања како што се: Каде сум бил пред да се родам? Што е тоа љубов? Зошто се случуваат лоши нешта? Како да бидам сигурен дека соништата не се вистински? Што е времето?…

Овие прашања не се нешто што треба да се одбегнува, туку напротив, детето треба да се охрабрува да ги гради своите размислувања на овие теми бидејќи тие претставуваат автентичен и творечки израз на неговата егзистенција во светот кој за него е ново, чудесно и возбудливо место.

Училницата по филозофија има за цел да ги негува и развива детската вчудовиденост, љубопитноста, критичкото и творечко мислење и имагинацијата, врз база на принципот „не постои погрешен одговор“, без притоа детето да биде наведувано или да му бидат наметнувани гледишта и ставови кои самото низ својот критички апарат ги нема промислено.

Истовремено, низ стручно адаптиран мултимедијален методички пристап, кој вклучува користење на кратки приказни, уметнички слики, фотографии, музика и кратки филмови, заснован на заедничко истражување низ дијалог и игра, децата се стекнуваат со социјални вештини како што се: меѓусебната почит, разбирање, соработка и емпатија.

Сето тоа води кон градење на критички, креативни и прогресивни индивидуи, кои се способни да оддолеат на секаков вид на пропаганда и заведување и кои поседуваат високо ниво на самосвест и самодоверба, но притоа се оплеменети со чувство за општествена одговорност, почит и љубов кон другиот. Затоа филозофијата со деца е нашироко промовирана низ светот од страна на УНЕСКО како основа за интеркултурен дијалог и општествена трансформација.

Училницата за филозофија со деца е остварена во соработка со Филозофското друштво на Македонија и е наменета и адаптирана за деца во две возрасни групи од 7 до 9 години и од 10 до 12 години.

  • 8 online часови со ментор во живо
  • Развивање на критичко и творечко мислење и аргументирање
  • Развивање на сопствените ставови
  • Стимулирање на имагинацијата
  • Поттикнување на истражувачкиот дух
  • Фокус врз размислувањата на детето без какво било наведување или наметнување
  • Работа по принципот „Не постои погрешен одговор“
  • Подобрување на нивото на самодоверба
  • Стекнување на социјални вештини низ дијалог и игра
  • Создавање основа за подобар успех во останатите училишни предмети
  • Примена на мултимедијален методички пристап

За повеќе информации и пријава контактирајте нè на 075 28 6666

Училница за филозофија со деца

1
Што е филозофија?
50 мин.
2
Кои се „состојките“ на пријателството?
50 мин.
3
Зошто треба да бидеме добри?
50 мин.
4
Што, како и колку постои?
50 мин.
5
Како знаеш дека нешто знаеш?
50 мин.
6
Зошто Јас сум Јас?
50 мин.
7
Што е убавина?
50 мин.
8
Кој ја поседува природата?
50 мин.
Мартин Поповски е доктор на науки од областа на филозофијата на науката, магистер од областа на методиката на наставата по филозофија и долгогодишен член на Извршниот одбор на Филозофското друштво на Македонија. Тој е пионер во областа на филозофијата со деца во Македонија промовирајќи, разработувајќи и реализирајќи ја оваа идеја од 2013 година наваму. Под капата на Филозофското друштво на Македонија организира, учествува во, и самостојно реализира поголем број предавања, работилници и практични реализации на часови по филозофија со деца, во соработка со истакнати европски стручњаци од областа (Данска, Франција, Бугарија). Автор е на неколку научни труда од оваа област во домашни и меѓународни списанија.

Со кликање на копчето „Ок, важи“ или со продолжување на користење на веб-страната, се согласувате да зачуваме колачиња за да го подобриме Вашето корисничко искуство преку анализа на употребата на веб-страната, подобрување на навигацијата и прикажување на релевантна содржина. Вашите податоци се безбедни! За повеќе информации проверете на Политика за приватност & Политика за „колачиња