блог постови
Сара Цветановска е мајка на Миро кој има 8 години и ја посетуваше Училница за креативно пишување за деца. Миро посетуваше приватна училница, која како и секоја друга Училница, еден на еден, беше дизајнирана да одговори на уникатните потреби на детето. Училницата за креативно пишување го запозна Миро, кој живее во Германија, а има македонско потекло, со македонската книжевност за деца и култура. Часовите беа посветени на читање и пишување. Миро покажа исклучителен напредок во употребата на македонскиот јазик и интерес за анализирање на книги од македонски автори за деца. Прочитајте го искуството на Сара и уживајте 🙂
Училница започнува со летни дневни часови за деца на возраст од 6 до 9 години.
Часовите ќе се одржуваат во текот на денот, секој работен ден од 12 до 16 часот.
Ова е прилика децата да се запознаат со основите на јазикот и сказните, ќе научат да цртаат приказни и да играат ликови.
Во текот на јули, организираме секојдневни активности со приказни од сите краеви на светот. Заеднички ќе смислуваме ликови, светови и настани и ќе ги сместуваме во приказна. Низ јазична игра и забава ќе ја развиваме креативноста и имагинацијата на децата.
📚🎨🎭 Со ментори за стрип, креативно пишување и глума ќе создадеме ликовна, визуелна и цртачка авантура за младите уметници.
Сите книги се различни на свој начин, но исти во тоа што раскажуваат приказни. Во секоја култура, во секој “заборавен” дел од светот, традицијата на раскажување приказни е нешто што децата го добиваат од возрасните. На овој начин книгите секогаш го менувале и ќе го менуваат светот. Оваа промена е интимна и лична.
И децата цртаат. Омилена техника – фломастер или мрсна боја на бел ѕид. Во тие прекрасни чкртки што живот значат се содржи сето детско поимање за светот. Цртањето е експресивна техника, преку која децата може да ги изразат своите расположенија, да ги споделат своите мисли и потреби. Експресијата е важна навика која треба да се негува кај децата за тие да можат полесно да комуницираат со околината.
Кои сме ние и што е за нас Училница?
Ние сме две Марии, Јуле, Ива и Ивана.
Ѕвончето ѕвони една година! Среќен роденден Училница!
Дали некогаш ви се случило да не сте сигурни како се чувствувате? Емоциите се субјективни и слоевити психички процеси кои тешко се комуницираат дури и кога си возрасен. Замислете сега, доколку ова ни се случува нас, како би се чувствувале децата, кога не можат или не знаат да ги разберат и изразат своите чувства.
